Toru Takemitsu

japoniar musikagile bat izan zen. Bere kasa ikasi zuen gehienbat, 1948-1950 urteetan Yasuji Kiyose musikagilearengandik ikasitakoa alde batera utzita. 1951n, margolari, poeta eta musikagileek saioak elkarrekin egiteko mintegi bereziak antolatu zituen Tokion. Takemitsuren musikak Schönberg, Messiaen eta Schaefferren musika konkretuaren eragina izan zuen hasieran. Gero, japoniar musika-tresnekin, elektronikarekin eta serieko musikarekin lan egin zuen. Aipagarriak ditu orkestrarako ''Requiem'' (1957); ''Zuhaitzen Musika'' (1961); ''Azaroko urratsak'' (1967); ''Asterismo ''(1968). Halaber, ganbera-musika eta pianorako lanak ere egin zituen.

1985eko Akira Kurosawak zuzendutako ''Ran'' filma ospetsuaren soinu banda ere konposatu zuen. Wikipediatik informazioa lortu