John Pilger

John Richard Pilger, nado o 9 de outubro de 1939 en Sydney, é un xornalista australiano radicado no Reino Unido dende 1962.

Pilger é coñecido por criticar fortemente a política exterior dos Estados Unidos de América, Australia e do Reino Unido, que segundo el están guiadas por unha axenda imperialista. Pilger tamén criticou o trato que reciben os aborixes australianos no seu propio país.

A súa traxectoria como director de vídeos documentais comezou con ''The Quiet Mutiny'' (1970), feito durante as súas visitas a Vietnam, e continou dende entón con preto de cincuenta documentais. Outros traballos relevantes son ''Year Zero'' (1979), sobre as consecuencias da fin do réxime de Pol Pot en Camboxa, e ''Death of a Nation: The Timor Conspiracy'' (1993). Entre os documentais sobre a temática dos indíxenas australianos destacan ''The Secret Country'' (1985) e ''Utopia'' (2013). No tocante á súa faceta como xornalista, destaca o seu traballo no ''Daily Mirror'' británico dende 1963 e 1986, e como columnista habitual na revista ''New Statesman'' entre 1991 e 2014.

Pilger gañou por dúas veces o premio británico de Xornalista do Ano. Os seus documentais tamén foron galardoados no Reino Unido e arredor do mundo. Παρέχεται από τη Wikipedia