Demi Moore

Demi Moore (jaiotza izena: Demi Gene Guynes; 1962ko azaroaren 11, Roswell, Mexiko Berria - ) estatubatuar aktorea da. 1981an hasi zen antzezten eta 1982-1984 artean ''General Hospital'' telenobelan hartu zuen parte. 1984tik aurrera Brat Pack izeneko aktore talde gaztearen parte izan zen, nerabeen filmak egin zituztenean, tartean ''Blame It on Rio'' (1984), ''St. Elmo's Fire'' (1985) eta ''About Last Night...'' (1986). Lehen paper famatua ''Ghost'' (1990) fiman izan zuen, urte horretan salmentarik handiena izan zuen filma. ''A Few Good Men'' (1992), ''Indecent Proposal'' (1993) eta ''Disclosure'' (1994) filmekin ere arrakasta handia izan zuen takillan. 1996an Moore bilakatu zen historian soldatarik handiena jaso zuen emakumezko-aktorea, ''Striptease'' filmarekin, 12,5 milioi dolar jaso baitzituen. ''The Scarlet Letter'' (1995), ''The Juror'' (1996) eta ''G.I. Jane'' (1997) ez ziren arrakastatsuak izan, eta haren ibilbidea beherantz hasi zitzaion.

''The Hunchback of Notre Dame'' (1996), ''The Hunchback of Notre Dame II'' (2002), ''Charlie's Angels: Full Throttle'' (2003), ''Bobby'' (2006), ''Mr. Brooks'' (2007), ''Margin Call'' (2011) eta ''Rough Night'' (2017) filmak egin zituen geroago. Wikipediatik informazioa lortu