Spike Milligan

Digrifwyr, actor, bardd ac awdur Prydeinig-Wyddelig oedd Terence Alan Patrick Seán "Spike" Milligan KBE (16 Ebrill 1918 – 27 Chwefror 2002).

Ganwyd Milligan yn India, ei dad yn Wyddel a'i fam yn Saesnes. Treuliodd ei blentyndod yno, cyn dychwelyd i fyw a gweithio am rhan fwyaf o'i fywyd yn y Deyrnas Gyfunol. Nid oedd yn hoff o'i enw cyntaf a cychwynodd alw ei hun yn "Spike" ar ôl clywed band ar Radio Luxembourg o'r enw [Spike Jones and his City Slickers.

Roedd Milligan yn un o gyd-greawdwyr, prif ysgrifenwyr a phrif aelod cast y rhaglen radio Brydeinig arloesol a dylanwadol ''The Goon Show'', gan berfformio nifer o rannau yn cynnwys y cymeriad poblogaidd Eccles a Minnie Bannister. Ef oedd aelod hynaf o'r Goons, a'r hiraf i oroesi. Aeth Milligan o lwyddiant y Goon Show i fyd teledu gyda chyfres ''Q5'', sioe sgets swreal a gydnabyddwyd fel dylanwad pwysig ar aelodau ''Monty Python's Flying Circus''. Darparwyd gan Wikipedia