Jennifer Lopez

Jennifer Lynn Lopez, nada en Nova York o 24 de xullo de 1969, é unha bailarina, cantante e actriz estadounidense de orixe portorriqueña.

En 1986 realizou un pequeno papel na película ''My Little Girl'', traballou a continuación como bailarina en diversos vídeos musicais de rap e cos New Kids on the Block e Janet Jackson. Como actriz o seu primeiro papel relevante foi na serie ''South Central'' en 1994 e na gran pantalla en ''My Family'' en 1995. O papel que a fixo coñecida foi no filme ''Selena'' de 1997 sobre a cantante do mesmo nome e que lle permitiu entrar no mundo da música, gravando o seu primeiro álbum, ''On the 6'' en 1999 que foi un éxito con máis de sete millóns de discos vendidos en todo o mundo, producindo cinco sinxelos. Παρέχεται από τη Wikipedia