Regina King

Regina Rene King, nada en Cincinnati o 15 de xaneiro de 1971, é unha actriz e directora estadounidense. Recibiu atención polo seu papel como Brenda Jenkins na serie de televisión de NBC ''227'' (1985). Seguiu a protagonizar series e filmes, acadando éxito con papeis como Dana Jones en ''Friday'' (1995), Marcee Tidwell en ''Jerry Maguire'' (1996), Riley e Huey Freeman na serie de animación ''The Boondocks'' e a Detective Lydia Adams en ''Southland''. Por ''Southland'', recibiu dúas candidaturas aos Critics' Choice Award. En 2019, a súa interpretación como Sharon Rivers en ''If Beale Street Could Talk'' valeulle o Oscar e o Globo de Ouro á mellor actriz secundaria.

Entre 2015 e 2017, King protagonizou a serie de ABC ''American Crime'' e tamén interpretou a Erika Murphy no drama da HBO ''The Leftovers''. King tivo un papel recorrente como Janine Davis en ''The Big Bang Theory'', e participou en filmes como ''Ray'', ''Poetic Justice'' e ''Unha loira moi legal 2''. Παρέχεται από τη Wikipedia