Thierry Jonquet

Thierry Jonquet, nado en París o 19 de xaneiro de 1954 e finado na mesma cidade o 9 de agosto de 2009, foi un escritor francés de novela negra, sátiras políticas e sociais. Unha das súas novelas, ''Mygale'', foi pasada ao cinema por Pedro Almodóvar, co título ''La piel que habito'' en 2011.

Ten asinado libros cos pseudónimos de Martin Eden, Ramon Mercader, Phil Athur e Vince-C. Aymin-Pluzin.

Tivo unha infancia marcada polo cinema. Fixo a secundaria no liceo parisiense Charlemagne, e despois estudou filosofía na Universidade de Créteil e máis tarde terapia ocupacional. Logo dedicouse á xeriatría, e ante esa situación de morte omnipresente, comezou a escribir para informar dese horror e para renderlle homenaxe a un pensionista amigo seu. Deixou a xeriatría e fíxose profesor.

Foi ademais membro da Liga Comunista Revolucionaria. Παρέχεται από τη Wikipedia