Tonino Guerra

Antonio "Tonino" Guerra (Santarcangelo di Romagna, Rimini, 1920ko martxoaren 16a - 2012ko martxoaren 21a) italiar olerkari, antzerkigile, eleberrigile eta gidoilaria izan zen.

Bigarren Mundu Gerran naziek deportatu eta Troisdorfeko kontzentrazio-esparruan sartu zuten. Ondoren eskola-irakasle izan zen, eta Erromara joan zen gero. Idatzi dituen poema-bildumen artean, ''Kakalardoak ''(1946), ''Idiak ''(1972), ''Eztia ''(1986) eta ''Uraren zuhaitza ''(1992) garrantzi handikoak dira Italiako XX. mendeko poesian. Hitz lauzko idatzietan, kontakizun neorrealistak eta gai fantastikoak landu ditu. Obra nagusiak ''Fortunatoren historia'' (1952), ''Oreka'' (1967) eta'' Euri epela'' (1984) dira. Zinema-kontakizunak eta gidoiak ere idatzi zituen, esate baterako, Michelangelo Antonioniren ''Abentura'' (''L'Avventura'', 1960), ''Gaua'' (''La Notte'', 1961) eta ''Blow-up'' (1966), Federico Felliniren ''Amarcord'' eta Francesco Rosiren ''Mattei kasua'' (''Il Caso Mattei'', 1972) eta ''Lucky Luciano'' (1973) filmenak. Wikipediatik informazioa lortu