Witold Gombrowicz

Witold Gombrowicz (Małoszyce, 1904ko abuztuaren 4a - Vence, 1969ko uztailaren 24a) poloniar idazlea izan zen. Filosofia eta Zuzenbide ikasketak egin ondoren, 1933an, idazten hasi zen, eta 1937an, idazle poloniar ausartenen artean jarri zen bere eleberriari esker (''Ferdydurke''). Bertan, Poloniako ''intelligentsia''ren irudi barregarria agertu zuen. Lehenagotik argitaratua zuen ipuin-liburu bat (''Bakakaï'' izenaz ezaguna egin zen gerora), psikologiazko kasu bereziak kontatzen zituena. Gerrak Argentinan harrapatu zuen, eta han bizi izan zen 1939tik 1963ra arte. ''Trans-Atlantyk'' (1953) obran argitu zuen bere jarrera politikoa, eta elezahar nazionaleko zenbait mito deuseztatu zituen. Askatasuna eta erotismoa dira haren lanetako gai nagusiak: ''Dziennik'' (1953-1966, ''Egunkaria''), sekula egin den autorretratu bereziena, eta ''Pornografia'' (1960). Frantzian bizi zela, ''Kosmos'' eleberria argitaratu zuen (1957). Forma jakinik gabekoari buruzko lilura azaltzen du, nahiz eta bere lanari, beti, lan bukatuaren arnasa hartzen zaion. Wikipediatik informazioa lortu