Erving Goffman

Erving Goffman (Manville (Alberta), Kanada, 1922ko ekainaren 11n – Filadelfia, Estatu Batuak, 1982ko azaroaren 19an) soziologo eta idazlea, mikrosoziologiaren aitzindaritzat hartzen da. Pertsonen arteko elkarrekintzaren oinarrizko elementuak aztertu zituen, beti talde txikietan zentratuta, garai hartaraino egiten ziren eskala handiko ikerketa soziologiko gehientsuenetatik aldenduta.

Goffman XX. mendeko soziologo nabarietakoen artean kokatu ohi da, Max Weber, Durkheim eta Mead soziologoekin batera. Horien pausoak oinarritzat hartuz, elkarrekintzaren prozesu mikrosozialak azpimarratuko zituen soziologia batean sakontzen saiatu zen. Elkarrekintza sinbolikoaren teorialari bezala, bere interes nagusia zera izan zen: esanahiek eta sinboloek giza ekintzan eta giza elkarrekintzan duten eragina aztertzea.

Arte Maisutza titulua 1945ean lortu zuen Torontoko Unibertsitatean. Karrera eta doktoretza Chicagoko Unibertsitatean egin zituen, 1949an eta 1953an.

Chicagoko Unibertsitatean Everett Hughes, Edward Shils eta W. Lloyd Warner izan zituen lagun. Mikrosoziologiaren edo buruz buruko elkarrekintzen ikerketen aitzindari bihurtuko zen. Hil ostean, bere eragina handituz joan da. Wikipediatik informazioa lortu