Mel Gibson

Mel Colm-Cille Gerard Gibson (Peekshill, New York, 1956ko urtarrilaren 3a -) Ameriketako Estatu Batuetan jaio eta gaztaroan Australian hezitako zinema aktore, zuzendari eta ekoizlea da, Oscar Sariaren irabazlea. ''Mad Max'' eta ''Lethal Weapon'' filmek mundu osoan ospea eman diote.

Batez ere, ''Mad Max'' film trilogia, ''Lethal Weapon'' tetralogia eta ''Braveheart'' filmarekin egin da ospetsu. Azken hori Gibsonek berak antzeztu, zuzendu eta ekoitzi eta Estatubatuar Zinema Akademiaren bi Oscar irabazi zituen: film onena eta zuzendari onena. Film horretako haren lanak Zuzendari Onenaren saria irabazi zuen seigarren aktore-zuzendaria bilakatu zuen historia osoan.

2004an, ''The Passion of the Christ'' zuzendu eta ekoitzi zuen. Jesukristoren bizitzako azken orduak irudikatzen zituen film horrekin, 300 miloi dolarreko irabaziak lortu zituen sarrera salmenten bidez. Wikipediatik informazioa lortu