Colin Farrell

Colin James Farrell, nado en Dublín o 31 de maio de 1976, é un actor irlandés. A súa primeira aparición foi no drama da BBC ''Ballykissangel'' en 1998, e o seu debut no cine foi no filme de Tim Roth ''The War Zone'' un ano despois e foi descuberto por Hollywood cando Joel Schumacher o selección no seu drama ''Tigerland'' (2000). Posteriormente protagonizaría o suspense psicolóxico de Schumacher ''Phone Booth'' (2002) e tamén ''S.W.A.T.'' e ''The Recruit'' (ámbolos de 2003). Nesa época tamén apareceu no filme de ciencia ficción de Steven Spielberg ''Minority Report'' (2002) e interpretou a Bullseye en ''Daredevil'' (2003). Após protagonizar os filmes independentes ''Intermission'' (2003) e ''A Home at the End of the World'' (2004) saíu en ''Alexander'' (2004) e en ''The New World'' (2005), de Terrence Malick. Παρέχεται από τη Wikipedia