Hans Erni

Hans Erni, nado en Lucerna o 21 de febreiro de 1909 e finado na mesma cidade o 21 de marzo de 2015, foi un pintor, escultor, deseñador gráfico e gravador suízo.

Deseñou numerosas litografías, carteis, murais, libros e medallas, e creou deseños para uns 90 selos de correos, principalmente para Suíza, Liechtenstein e a ONU. Igualmente, foi o deseñador de tres billetes para o Banco Nacional Suízo en 1938, así como da moeda conmemorativa suíza de ouro de 50 francos dedicada ao centenario da fundación ''Pro Patria'' en 2009.

Erni tamén utilizou algunha das súas obras con fins políticos en varias ocasións: a nivel nacional para campañas de referendo (como para a introdución do sistema de Seguridade Social AVS ou o sufraxio feminino), e a nivel internacional, sobre todo para a conservación da natureza e contra as armas nucleares. Παρέχεται από τη Wikipedia