Winston Churchill

Winston Churchill (1874ko azaroaren 30a, Blenheim jauregia – 1965eko urtarrilaren 24a, Londres) britainiar politikaria, Erresuma Batuko lehen ministroa eta Literaturako Nobel Sariaren irabazlea izan zen. Bere emaztea Clementine Hozier izan zen.

Sir Winston Leonard Spencer Churchill Lord Randolph Churchill, Marlborougheko zazpigarren kondea eta Jennie Jerome estatubatuarraren semea izan zen. Abentura-nobela batzuk idatzi eta kalifikazio akademiko eskas batzuen ondoren, politikan jardun zuen. Lehen Mundu Gerratean amiralgoaren Lord izan zen; guda hartan hainbat lardaskeriaren erantzule izan zen.

1940an, Bigarren Mundu Gerran, Erresuma Batuko Lehen Ministro izendatu zuten, aurrekoak, Neville Chamberlainek, bere politika bakezalearen porrotagatik dimititu ostean. Churchillen hitzaldi indartsuek adorea eman zioten britainiar herriari Londresen kontrako Alemaniaren bonbardaketen egunetan. Gerra amaitu ostean, alabaina, britainiar herriak bizkarra eman zion eta 1945ean hauteskundeak galdu zituen, Clement Attleeren aurka.

1953an Churchillek Literaturako Nobel saria irabazi zuen, gerra garaiko bere memoriengatik. Berak sortu zuen ''Iron Curtain'' ''(altzairuzko oihala)'' terminoa, Europa komunista eta kapitalistaren arteko banantzea irudikatzeko. Wikipediatik informazioa lortu