Jim Carrey

James Eugene "Jim" Carrey, nado o 17 de xaneiro de 1962, é un actor, comediante, cantante e escritor canadense-estadounidense. Recibiu dous Globos de Ouro e tamén foi candidato en catro ocasións. É coñecido polas súas enerxéticas e carismáticas interpretacións, e foi descrito como unha das maiores estrelas de cine de Hollywood.

Carrey gañou recoñecemento en 1990, nun papel recorrente na comedia ''In Living Color''. Os seus primeiros papeis protagonistas en grandes producións foron ''Ace Ventura: Pet Detective'' (1994), ''Dous parvos moi parvos'' (1994), ''The Mask'' (1994) e ''Ace Ventura: When Nature Calls'' (1995). En 1997, recibiu a aclamación da crítica pola súa actuación en ''Liar Liar'', que lle valeu un nomeamento ós Globos de Ouro como mellor actor. Posteriormente, actuou en ''The Truman Show'' (1998) e ''Man on the Moon'' (1999), cos cales gañou sendos Globos de Ouro como mellor actor. Παρέχεται από τη Wikipedia