Anne Applebaum

Anne Elizabeth Apolebaum (Washington, 1964ko uztailaren 25a) estatubatuar kazetari, historialari eta idazlea da.

Errusiako familia judu batean jaio zen, eta historian eta literaturan lizentziatu zen Yaleko Unibertsitatean. Oxfordeko Unibertsitatean ikasketak egin ondoren, ''The Economist'' aldizkariko berriemaile gisa hasi zen lanean eta Varsoviara joan zen bizitzera. Berriemaile gisa, Berlingo harresiaren eta komunismoaren erorketaz idatzi zuen. 1991n Londresera joan zen eta ''The Spectator'' aldizkarian eta ''The Evening Standard'' egunkarian lan egin zuen.

1994an argitaratu zuen lehen liburua, eta ordutik komunismoaren historiaz eta Erdialdeko eta Ekialdeko Europako gizarte zibilaren garapenaz idatzi zuen.

Radoslaw Tomasz Sikorski Poloniako politikariarekin ezkonduta dago eta Poloniako eta Ameriketako Estatu Batuetako herritartasuna du. 2022an Errusiako erregimenak zigortu zuen.

2004an Pulitzer Saria Ez-fikzio orokorra irabazi zuen ''Gulag: A History'' lanarekin. Wikipediatik informazioa lortu