Alfred Adler

Alfred Adler (Viena, 1870eko otsailaren 7a - Aberdeen, 1937ko maiatzaren 28a) austriar sendagile eta psikologoa izan zen, baita psikologia indibidual izenez ezagutzen den eskolaren sortzailea ere. S. Freuden ikasle eta lankidea. 1911n maisuarengandik apartatu zen teoria psikoanalitikoari buruzko puntu batzuei buruz ados ez egoteagatik, C. G. Jungek bezala, eta psikoanalisiaren teoria aldatu zuen hein handi batean. Neurosien sexu-iturburua alde batera utzirik, sorburu biologiko, psikologiko edo soziala duen gutxiagotasun-konplexua seinalatu zuen haien jatorritzat. Bere psikologia indibidualak subjektuaren nortasun osoaren analisia izan nahi du. ''Gizakiaren ezagutza'' (1927) eta ''Bizitzaren zentzua ''(1930) dira bere lan nagusietakoak. Wikipediatik informazioa lortu